香港公立醫院經常爆滿已經唔係新聞，之前都有好幾篇日誌係同大家分享醫院平時係有幾爆滿，我只係估唔到除咗醫院病房長期唔夠位之外，停屍間嘅位置都開始告急了⋯
我有位喺九龍嗰邊做嘢嘅朋友，話佢公司有位病人過身之後公司發現停屍間唔夠位置放佢嘅遺體大家束手無策之際最後要將佢嘅屍體安放喺⋯
安放喺邊度已經唔係重點。重點係香港醫院地方唔夠人手唔夠，估唔到係連放屍體既地方都冇。不禁慨嘆香港真係寸金尺土，土地問題嚴重：我哋生前要面對土地問題，變成屍體之後都要面對土地問題，甚至係變成骨灰諗住入土為安，都要面對土地問題，連個骨灰龕位都要幾百萬。
香港嘅土地問題會有一日得以解決嗎？
