一直以嚟有好多小夥伴都同我講話好想讀nursing/做護士，唔少人覺得喺香港做護士「薪高糧準」。然而，為錢做護士，一定會後悔。
首先，護士人工其實唔係特別高，只係佢嘅起薪點比較高，但係晉升係唔容易，所以人工嘅加幅會比較慢。相比其他行業，例如係資訊科技行業，其實做返三四年嘅月薪已經超過護士，所以老實說護士人工其實唔係真係大家想像中咁高。
其次係性價比低。雖然做護士嘅月薪起身係高啲，但係佢嘅工作時數係比其他行業較長，而且仲要輪班工作早午晚三班，通頂做嘢如果唔習慣嘅朋友會覺得特別辛苦。
加上工作量係遠比其他國家高。喺香港做護士嘅人工雖然係比其他國家幾乎高出一倍，但係病人：護士嘅比例係遠高出外國幾倍，意思係香港每一個護士都係頂緊幾個正常故事嘅工作量，人工卻只係高出一倍。
我出自護士細加我嘅父母同埋好多親戚都係做護士嘅，都做咗三十年以上了。如果做護士真係好似大家諗緊嘅咁高人工，咁我咪應該係富二代！？Sorry, I am not. 相反，屋企人好少大家空相處，因為護士工作忙，壓力大。
咁喺香港係咪唔應該做護士？非也，有一個好重要嘅原因係你應該做護士嘅：如果你真係真係有決心要貢獻自己嘅生命去幫助其他人。為錢而做？可以慳返。
