當女朋友係一個護士，我會好擔心佢。
護士係一個好忙嘅工作，長期都唔夠人做嘢，一個人要頂十個人要做嘅嘢。如果女朋友係一個責任心好強嘅人，咁仲需要擔心，因為佢會畀工作忙到靈魂出竅。有啲護士甚至驚做唔曬啲嘢，為咗唔使成日去廁所，所以連水都唔飲。
當女朋友一個護士，我會好掛住佢。
護士需要輪班工作工作，並不是定時的，就好似今晚咁，女朋友今晚係要返夜班通頂工作。之前佢未做護士，我哋每晚都會同對方講晚安然後大家一起睡覺；當佢做咗護士之後，每個星期最少有一晚佢要通頂喺醫院工作。除咗因為聽唔到佢嘅晚安之外，更加重要係我會好擔心佢夜晚有冇足夠嘅休息，所以好掛住佢。
當女朋友係一個護士，我會好開心。
開心係因為我知道佢每一日都係做緊啲有意義嘅嘢（supposedly），幫緊好多有需要嘅人。只係希望佢係幫人嘅時候，都要好好照顧自己嘅身體。如果因為幫人而搞到自己身體殘曬，咁到時有邊個可以幫返佢？
女朋友，proud of you.
